You are currently browsing the tag archive for the ‘貪靚’ tag.
韓國整形“美女”－－只有看耳朵才認得出是同一人。
減價季節是購物姨姨全面出動的時間！
買了這件Jeanasis的上衣，炭黑色版本，半麻半綿，質地值回票價。
我也像這日本Jeanasis店員一樣配短褲涼鞋，只是不穿襪子，免得太過卡哇依，被賭神J取笑扮青春。至於手袋呢，幾廿歲人，梗係用番個“射尿”行走江湖對付班仆街白鴿眼客戶啦！
上周已收到，不過一直冇影相。九件物品：袋仔、髮圈、過膝襪、圍巾、防水夾棉外套、碎花短裙、連帽衣、橙色上衣、圓領長袖衫，連包裝的迷彩布袋加埋十樣野，絕對超值！
類似以下呢個look：
今日行街見到KicKers！嘩！好有親切感！
這是我們七字輩讀書時最流行的品牌之一，Dr. Martens 返學襯校裙，KicKers就平時襯牛仔褲，通常女仔都會買粉紫色或者最經典的淺駱駝色，我係粉紫，樓神T係駱駝，兩個一齊出動行街、去太古城溜冰，超級開心！
當年著KicKers係好型的一件事，左右靴的商標一邊紅一邊綠，鞋帶還有個花花形的真皮壓紋logo，花花同靴的顏色不一樣，撞色撞得好靚，所以大家都不會把它拆下來。
今天的KicKers鞋款有色彩繽紛的舊款，價格和當年竟然差不多（六七百元），平平實實的新款也只賣一千元左右，我買了一對很笨重的圓頭平跟長靴，平時打死也不會穿這種款，但因為是KicKers，我為它破了例。
彷彿回到少年時代，心情很激動。
解決之道是駁髮。
電眼睫毛。
一路心思思，但又怕痛怕傷皮膚，從來唔敢試。
相熟的美容小姐拍心口說不痛的。原來電眼睫毛只用電髮水，不用電熱夾。我說還是有點怕，算了。
她說免費幫我電！
免費又唔同喎，試吓無妨。敷面膜時進行，等面膜乾了，眼睫毛也電好。
睜開眼，美容小姐說：對不起，有少少問題，彎度唔係好夠。
我說唔緊要啦，有少少彎就得了。起身照鏡，嘩，不是彎度不夠，是方向錯誤！
一邊向北，另一邊向東北偏東。
我說正常來講應該45度彎曲，一邊向西北，一邊向東北；就算兩邊都向北都好吖，望落似90度捲起，點解電到錯晒方位啊？
她說唔知啊。
我問，你唔知咩先？自己郁手的都唔知？
她狂笑：我唔知你講咩啊！我分唔到東南西北架！
唉！
都是貪小便宜惹的禍。
到底有幾多人真係會著Jimmy Choo x H&M的鞋？買開不會買H&M，不買的又穿不慣如此高跟。對對四吋踭，仆街話咁易。原價$990的已在網上放緊$1790，搵阿茂買！正牌減價貨二三千有交易，點會有人肯用近二千蚊買此系列？
使乜今日去排隊？過一排H&M自然會補貨。之前CdG x H&M核突到暈都有on9仔女仆去買，結果睇住鋪頭減到半價都大堆賣剩貨。
如果Jimmy Choo x H&M減到五六百蚊的話，我會買中間同右面呢兩對：
講咁多都係想買但依家買唔到……唉，酸葡萄。
原本只想買一瓶護髮素，豈料店員說正在做購物獎賞推廣，買滿$780送最新的紅米淨化系列試用裝兼環保袋…
結果呢，大家都知我抵抗力弱﹣﹣雖然我一路都非常極度十分強烈地抵抗各式各樣的優惠推廣，可惜還是敵不過店員殷勤有禮的態度。在店內轉一圈，目標金額已達，兼且超標。店員說，此金額可申請入會，會員福利是購物儲分換現金券，並即時贈入會禮品$100優惠券乙張，買滿五百元就可使用。
我心想，下次才不會買這麼多哩！這些洗頭水護髮素潤膚露加上家裡的豐富物資，用三年都用不完！
正在填會員表格時，另一看上去較年長的店員（應該是店長）笑意盈盈道：“小姐，你會唔會依家用埋張coupon呢？差三百幾蚊就用到。”
“吓？乜可以咁樣一齊計啊？”
“係啊，你睇睇有咩啱啦，一次過買抵D吖嘛！”
中！“抵D吖嘛”﹣﹣我腦內的購物程式急速運行，像白老鼠般又在店內轉圈，為新的目標金額努力。最後買無可買，無聊到連枕頭專用香水也買下。
本來準備花$1xx，埋單變了$1xxx。點解會搞成咁？我好嬲自己。
已經買了Shiseido MAQUillAGE最新系列的五色眼影。明明想買上野樹里的紫色，被售貨員講兩講，偏偏買了原本覺得最不起眼的灰色！只能怪自己抵抗力太差。
問題是，買了灰色，還是想要紫色的，還有篠原涼子的柔紅色。而且，依然忘不了一直用開的Sofina Aube，這季出的粉紅色好靚，眼影格的設計很實用！
我知道自己最終會把這幾款全部買下來…喜新不厭舊，不是男人的專利啊！
一直用Sofina的Aube，去年底才第一次用資生堂的產品，是MAQUillAGE系列的聖誕特別版彩妝粉盒（貪個盒好靚）。眼影很貼服，閃粉也不張揚，是含蓄的珍珠調，輕輕塗在眼蓋，再用深色調抹在眼角作上眼線，人顯得很精神。買的是這款墨綠酒紅調：
MAQUillAGE新一季的代言人竟然是上野樹里！為了支持可愛的野田妹，又要出血了！如果一直是她做代言人，我就放棄Aube，以後都用MAQUillAGE！
2009春季CM：
最近的回應